كيف تعرف الاردني

--------------------------------------------------------------------------------

كيف تعرف الشخص الأردني من بين سكان العالم ؟؟؟

بيفهم في الطب وبيشخص المرض وبيوصفلك الدوا وبيفهم في النقاش والكهربا وتصليح السيارات

والطبخ والسياسة والقانون و الواجب و الدين و الحسابات والطابة وهو أبيض ياورد جوري



بيحط الريموت كونترول في كيس نايلون حتى ما يتغبر ولا يضيع
بيوقف يتكلم على الباب نص ساعة بعد إنتهاء الزيارة والسلام
في خزانة المطبخ عنده عشرين قطرميز مربى فاضي منشان اذا احتاج يستخدمها ومازال مُصِر على جمع المزيد

ييجي بعد الموعد بساعة وربع دون ان يعتذر = ثقيل يا عمي



يتكلم بصوت عالي في المكالمة الدولية منشان التاني يسمعه



بيعتبر حاله أفضل واحد في الشراء والمفاصلة ثم يكتشف إن الشي في المحل اللي جنبه أرخص من غير مفاصلة



بيحتفظ بأكياس محلات اللبس والأحذية وورق الهدايا تحت فرشة التخت لسنوات



عنده صينية مكسرات مقسمة لتلات او أربع أقسام منشان المزاج لكن لا يستخدمها ابدا



بيشتري قبل الإفطار في رمضان مواد استهلاكية متوفرة عنده في البيت



عنده منقل شوي للرحلات يستخدمه مرة واحدة كل عيد
بيفكر إن أي حدا بيشتغل في الخليج بيغرف مصاري من غير حساب وأغنى واحد في الدنيا


بيكون مشغول بقيمة البقشيش طول العشا

بيتخانق ساعة دفع الحساب بحرارة شديدة على إنه هو اللي لازم يدفع



يفرش شرشف التخت على طقم الكنب منشان الكنب ما يتوسخ، ولما يجوا الضيوف يترك الشرشف وما

بشيله



اذا ركب تكسي طول الطريق عيونو عالعداد



وين ما راح وترحل الكشرة لا تغادر وجهه بالسراء والضراء ولكن لماذا يا ترى؟؟
اكثر واحد عنده كرامه في العالم

ول يا هدى حرام عليكي شو كل هذا بيطلع من الاردني

الاردني الشهامة الاردني النخوة الاردني الكرامة الاردني العز الاردني الكرم والرجولة

على كل حال شكرا هدى على الموضوع لانه احنا في منتدى المنبر الحر للراي والراي الاخر


بس يوجد عتاب يا هدى

وين هالغيبة وليش مقلة بحق المنتدى؟

هدى
بس زي ما حكى ابو فادي
الاردني الشهامة الاردني النخوة الاردني الكرامة الاردني العز الاردني الكرم والرجولة
اشكرك

كلامك ياهدى في منه ... مش كله
بس بحب اخبرك مش الاردني بس .......
الشهامه عند الاردنيين مميزة
شكرا لك

اشكرك هدى و انا رأيي من رأي ابو فادي

اشكرك هدى على طرح الموضوع والاردني يعرف من كرمه وشهامته والرجوله والتي هي مبدا الاصاله العربية .

السلام عليكم ورحمة الله وبركاته


كلامك هذا يعطي نتيجة من هو الأردني حيث أنك اسئتي للأردني سواء بقصد أو بدون ولكن لم يرد عليكي أحد برد يجرحك وهذا هو الأردني