دراسة البنات

طريقة البنات في المذاكرة
تيجي البنت تحضر للامتحان(قبل باسبوع او اكتر--يمكن قبل ما يبدا الفصل اصلا) المهم، بتجيب شنتتها ودوسيه ملانه اوراق وبتقعد عالارض جنب المكتبة البسيطة تبعتها وبتجيب دفتر فاضي ابو ال 365 ورقة وبتبسط، بتفتح الشنته والدوسيه وبتنزل كل الكتب اللي على الرفوف.... بعد نص ساعة بتصير تبكي وبتفتح مناحة
بنت: يا ربي ضايل للامتحان 3 اسابيع وضايع مني ورقة عمل شو بدي اسوي خلص رح ارسب كله مشانكم
الاب: طولي بالك يا بنتي هدي حالك وامسحي دموعك وفهميني شو اللي ضايع
البنت: بديش حلو عني خليني لحالي خلص مش انا بدي ارسب خلص حرة
الام: شو فيه شو اللي ضايع
البنت: اهااها اها(خلصت بكيتين محارم) ورقة العمل قصدي الصفحة الثانية من ورقة العمل مش ملاقيها نبشت عليها الدنيا خلص رح ارسب
---الدموع تنهمر وتكاد تغطي المكان---

الام: طيب دورتي في الشنته ?
البنت: اه يختي دورت ...اف ...يوه(قال معصبه ورفعت الكلفة)
الام: طيب شوفي في جيبة المريول
البنت: (دموع الفرح مع ابتسامه خفيفة بتدل عالهبل)
اه امبارح كنت اقرا فيها وانا مروحة عالدار انا و رانيا اله يكسرها جابت اعلى مني بنص علامةفي ورقة العمل( بترجع تبكي!)

الام:الله يعيني على خلفتي ..... كملي دراستك كملي

--- بعد 4 ساعات ومشاكلهم---
بتطلع البنت من الغرفه بدها تتريح 3 دقايق ونص
البنت: الحمد لله قربت اخلص ضايل علي 6 صفحات وبدي انزل اسالة عن النت
الام: طيب الله يوفقك ... اه اتصلت عليكي خلود بس انتي كنتي خارج نطاق الخدمة( بتدرس يعني)
المه بتحكي مع خلود------
البنت: الو .. وين وصلتي ( قبل كيف الحال)
خلود: اه والله لسا ضايل على 6 صفحات وربع اها اها ( فتحت مناحة)
البنت: اااها اها ( بعد ما سكرت التيليفون)
الام: خير يا طير شو فيه هلا شو ضيعتي هالمرة???????
البنت: اها اها اها ... ولا اشي بس خلود ضايل عليها 6 صفحات وربع وانا ضايل علي 6 بس
الام: طيب وين المشكلة
البنت: انا واياها بدينا مع بعض بس انا خلصت المادة اسرع منها يعني اكيد فيه اشي ما درسته......

وهاي كل دراسةالبنات الله بعين

[/هههههههههههههههه شوهاذ على هيك دراستهم بصطح والله يعين الاهل عليهم

هههههههههههههههههه يسلم ايدك

b]الله يسامحك يا تمارا صح بنركز بدراستنا بس ما بنبكي إلا أزا صعب علينا أمر وكتير ، ومن جهتي ما بقارن حالي بحد تاني عليٍ بحالي لانو أكيد طريقه دراستي بتختلف عن أي وحده من صاحباتي . يعنيي ممكن اخد بورقه ساعه وغيري ياخد فيها 5 دقايق وهاد ما بعني اني غبيه او انو هي اذكا مني او انو انا بدرس بتركيز وهي بتدرس بشلفئه ، يعني كل واحد إلو طريقه خاصه بدراستو واكيد ما بتشبه أي حد . ونصحيه لكل الي بدرسو وبحضرو للإمتحانات لا تعد ئديش ضايلك لانو وقتها راح تحبط بعدد الصفحات الي ما درستهم وهيك لا راح تقدر تركز بلي بايدك ولا راح تقدر تنجز شي[/b] . وأخر شي بشكرك تمارا على طرحك

بعض البنات بتكون في حالة قلق دائم لانها تسعى لتكون الافضل بالدراسه
اشكرك عزيزتي على مشاركتك