هل تفضل الزواج عن حب ولا الزواج التقليدي؟؟؟؟؟؟؟

احبائي ماذا تفضلون الزواج عن حب ولا الزواج التقليديــــــــــــــــــــــــــــــــــ
لقد كان من المعروف في السابق بل ومن البديهي ان الزواج عن حب

هو الانجح والأكثر استقرارا ذلك على اعتبار ان كل من الزوج والزوجة


قد اعتاد على الآخر وآلف طباعه في فترة ماقبل الزواج ثم رضي به

بحلوه ومره حين اقدم على خطوة الزواج .

لللشبابــــــــــــــ
النوع من الزواج وبالذات الشباب فتراهم حتى وان احبو فانهم حين ينوون

الزواج يفضلون الزواج بمن لا يعرفونها او بمن تختارها لهم الوالدة .


فمن اعتاد على شيئ لا يقوى الاستغناء عنه حيث ان من أعتاد على الحب
لا يستطيع العيش بدونه ولو قصر أي من الزوج والزوجة في حبه للطرف الآخر

الصراحه الزواج عن حب احلى ع الاقل بتكوني عارفيته منيح وعارفه عقلياته صح ولا يا بنت الكرك طيب انتي شو ردك عن حب ولا تقليدي انا حاسهانك تقليدي بدك ههههه

الصراحه يا بنت الكرك زواج تقليدي احسن الك والي بلا حب بلا وجع قلب شكرا على المووووضوع

الدمع حبر العيــــــــون معك الحق بس اذا عقله زفت شو تعملي بس انتي بتحبيه
انا الزواج عن حب حلو بس بعدين بتملي منه صح
وتقليد هاد زمن ستي وستك

هبه الحب الزواج التقليدي هاد زمان زمن ستي وستك اليوم زمن النت مش امه تيجي تطلبي وهوه مش داري عن الطبخ شو هيا

الصراحه الحب زي التقليدي يعني انا كتير شفت ناس تجوزو عن حب وما كملو سنة وانفصلو وبرضو التقليدي وانا بحكي انو التقليدي الحب بصير في فترة الخطبه والي بحكو الي بتجوزو عن حب بعيشو بسعاده هادا كلو برجع للنصيب يسلمو بنت الكرك

شكرا على المرور الجميل يا ريم انتي بدك عن حب ولا تقليد

انا متزوجه صرلي سنتين وشوي وتزوجت تقليدي بس زاد الحب بينا في فترة الخطوبة وعقبالك يسلمو بنت الكرك

اها فكرتك مش مجوزه اسفه الله يديم الحب بينكم يارب .......بوجودك بعزمك بتيجي

انشالله عقبالك بنت الكرك بنيجي نحضر عرسك بالكرك

اهلا وسهلا بتنور الكرك فيكم عشان اعملك منسف كركي شكرا على المرور المتكررررر

انا برائي حسب ادا رئت شخص مناسب عن طريق العمل الوظيفه اوغيرها وحبته وتزوجو هيك نصيبها واذا كانت في البيت وزواجها تقليدي برضو ممتاز لكن برجع لتوافق بين الافكار والانسجام والود بينهم مع اني الي بعرفو الي بزوجو عن طريق الحب دائما بكون زواجهم فاشل وهذا حسب الاحصائيات التي درست في الاردن بين طلبة الجامعه والموظفات واشكرك على موضوعك الجميل

افضل الزواج التقليدي لانه الي بشفوه الامهات وبعرفوه في الزوجه المناسبه احنا الشباب ما بنشوفو ولا بنعرفو الي بهمنا هو الجمال وبعدين بندور على الكمال واشكرك بنت الكرك

اول شي اشكرك بنت الكرك على الموضوع الحلو
الزواج عن حب او عن تقليد التنين الهم ايجابياتهم وسلبياتهم
بالنسبه للحب هو الانسان هو الي بيعمل الحب باسلوبه وتصرفاته وعقله مع التعامل مع الي بيحب
وبرضه الحب الي بنعيشه قبل الزواج بيختلف كتير عن الحب الي بعد الزواج لانه قبل الزواج اكتره بيكون حتى اثبت للطرف التاني اني بحبه
يعني عباره عن مجاملات ورومانسيات بسرعه بتزول لما تنصدم بالواقع
احنا الي بنقدر نحافظ على الحب او نموته
نرجع للموضوع الاساسي انا تزوجت عن حب وصرلي متزوجه اربع سنين والحمد لله كتير مبسوطه بحياتي اكيد الحياه ما بتخلوا من مصاعب ومشاكل واختلافات لانها سنه الحياه يمكن الحب الي عشته مع زوجي قبل لانتزوج بيختلف كتير عن هلا لانها كان وبكل صراحه
وموضوعيه عباره عن مسجات تلفونات وهدايا واحلام ورديه احلام احنا رسماناها مع كتير من الخيال لما تزوجنا بلشت الرومانسيه تنصدم بالواقع بس الاحلام والحب ما راح لانا احنا اصرينا انه يعيش وعملنا كل اشي حلو حتى يعيش
وهلا الحب كبر وصار حب وعشره وحياه
فلهيك الزواج عن حب حلو انك بتكوني اخدتي الي بتتمنيه
وبرضه الزواج التقليدي حلو بتكون بعد الزواج الك فرصه تعملي قصه حب
علشان هيك التنين الها سلبياتهم وايجابيتهم فما بنقدر نحكم على اي واحد منهم انه الانجح
وكل الشكر لالك

ايمان شكرا على المرور ..........حيران انت كشب راح تتزوج عن حب وولا زواج تقليدي


نادين ادام الحب بينك وبين خالي العزيز ياريت كلهم متل خالي يحب بصدق بوفاءءءء

بنت الكرك اشكرك على طرحك للموضوع ورائيي باختصار هو ان يختار الطرف للطرف الاخر حسن اختيار سواء كان تقليديا او عن حب

شكرا على المرور ادمن وشكرا على الرد الجميلــــــــــــــــــــــ

انا بفضل الزواج عن حب ولا اني اتزوج واحد ما بعرف اشي عنه
ويمكن بفترة الخطبة ما اقدر احبه وبالتالي بنبلي بانسان ما حبيته ولا فهمته

كلامك صح تمارا شكرا على المرور الرائع


فمن اعتاد على شيئ لا يقوى الاستغناء عنه حيث ان من أعتاد على الحب