دراما اردنيه

كيف تعرف المسلسل أردني !!!

هاااا...شو بتقول ؟؟وحّد الله يا زلمه
(تعجّبيه عند الاستغراب من عمل طائش )

لاااا يا فواز مش أنا اللي ببيع الأرض عشان نتفة مصاري
(يقولها رجل اي نعم فقير و لكنه عزيز و لا يقبل الانسياق وراء الشهوات )

إحنا مش قد هذول الناس يا بنيّ يا عطا... يُما دشّرك منهم
(كلمه تقولها ام فقيره لابنها المتهور الذي يريد تحدي الباشا و جماعته)

يا بابا المصاري مش كل شي بالحياه
(كلمه تقولها ابنه ذكيه و جامعيه لابوها الطماع الذي يريد تزويجها لابن صديقه)

يُما خلف تغير من يوم دشر القرية وراح ع المدينة... بطّل يحبني يما
(عبارة تقولها ابنه لأمها تشكو فيها ابن عمها الذي بهرته أضواء المدينة)

يا خسارة يا أنيس يا خسارة مش انتا أنيس إلي بعرفو من 10 سنين
(يقولها صديق مصدوم من رؤية صديقه بعد مده من غيابه منساق وراء الشهوات و المال)


و ما زال الإبداع مستمرا ولا تنسى.....ترن.... ترن

(داود جلاجل يرفع السماعة مع دوران بالكرسي)
ايوه.....شو بتقول .......إنحرق المِصنع.......والتامين مش متعرف.....قلبي....جلطة....

افلام اردنية:
تنك المي -- خيالي
القطرة الاخيره-- رعب
المي جاي--- أكشن
الخزان ملان --رومنسي
الجلن الابيض-- اطفال
الجدول الجديد --صدر حديثآ
بزقه في المحيط / مغامره
صرصور على الحيط / وثائقي
خارطة الطريق ///والله العظيم خياااااااالي

مع احترامي لكل الممثلين الاردنين

تمارا عنجد هاي هي الدراما الاردنيه
والافلام الي كتبتيهم هاي هي الافلام الاردنيه الاصيله
مشكوره تمارا ومتل ما قال ابوفادي الممثلين الاردنين كتير جدين وبتحسهم اما انهم بيندمجوا بالدور بشكل كبير او ما بيندمجو معه نهائي
ماعندهم حل وسط

اشكرك اخت تمارا على ه9اي الدراما يعطيك العافية

اخ ابو فادي اشكرك على المرور
نكون جديين ولا نكون مسخرة

يا طخو يا اكسر مخو
هيك احنا الحمد لله
شكرا نادين

ميديا اشكرك على المرور