سكيت رول

فتنس
تأتي كلمة "فتنس" من fitness بمعنى لياقة.. وهي مصطلح لشباب الاسكيت.. معناه لعب سكيت عادي.. وممكن تجي كمان "فري ستايل" اذا اسلوب لعبك استعراض حر.. وبرضو يصنف مبتدئين رياضة الاسكيت على انهم فتنس.. لانو لعبهم حر.


- اجريسيف
هو النوع اللي بيستخدمو فيه الدربزين حق الدرج.. هاف بايب.. سكيت بارك بمعنى اصح.. وكلمة اجريسيف مأخوذه من كلمة aggressive بمعنى عدواني.. ستايل اللعب هادا فيه شوية خطورة.. وهادا اللي يميزها..




- كونز
تقريبا هو استعراض لمهارات الاسكيت الحر على الكونز او بمعنى اصح الاقماع.. وأصل ستايل الكونز هو سلالوم slalom بمعنى متعرج.. لانو طريقة لعب هذا الاستايل بشكل متعرج..


- سبيد
من نفس الكلمة معناها سرعه.. طبعا هنا الاسكيت اللي بيستخدموه فيه خمسة كفرات وليس اربعة زي الاسكيتات العادية.


- كواد
الكواد هوه الاسكيت اللي كنا ونحن صغار نلعب فيه.. يجي كفرين قدام وكفرين ورا.. هادا الاستايل نقدر نقول انو اندفن في السعودية.. ولكن في الدول الاوروبية مازال الاستايل هادا له ناس بشكل كبير.

- آيس
او بمعنى آيس سكيت ice skate اللي هوه اللعب على الجليد.. وماشاء الله الايام هادي كثرت صالات التزلج على الآيس في السعودية.. صارت تقريبا في معظم المولات الكبيرة.. والملاهي.. طبعا هادا الاستايل لازم له سكيت خاص بيه.. بدل الكفرات بيستخدموا شفره زي السكين.. عشان الجليد.. وفيه انواع للتزلج على الجليد.. منها : الهوكي والفيقر (اللعب الاستعراضي).




- سكيت بورد
طبعا اللي التزلج باستخدام لوح التزلج.. وليس الاسكيت العادي.. هادا النوع بصراحه مررررره قليل في السعودية.. مع انها حلوه.. ورائجه بقوه برا السعودية..

- بي ام اكس BMX
او الدراجات الهوائية.. طبعا مو أي دراجه ممكن تلعب بيها.. لا فيه دراجات مناسبة للرياضة هادي.. وطبعا هم قريبين من ستايل الاجريسيف.. وبصراحه اكثر ناس شفتهم انا شخصيا مزبوطين على الدراجات شباب الرياض..

[اشكرك يا صقر على طرحك متمنيا ان تكون الطروحات القادمة من افكارك وليست مقتبسة